ЮНЕСКО-ның әлемдік мұралар тізімінде тұр
Біз оқыған Торунь қаласы – Польшаның солтүстік бөлігінде, Варшавадан 200 шақырым қашықтықта орналасқан шағын қала. Сондай-ақ, Торунь ЮНЕСКО-ның әлемдік мұралар тізіміне енген 13 тарихи орынның бірі болып саналады. Бұл қала жалпақ жұртқа өзінің жүздеген жылдар бойы сақталып келген готикалық шіркеулері және әсем үйлерімен әйгілі. Шағын шаһарда ортағасырлық ескерткіштер мен ХХ ғасырдың 200-ге жуық ғимараты жақсы сақталған. Екінші дүниежүзілік соғыс кезінде Польшаның бүлінбей, қиратылмай, бүтін сақталып қалған қаласы – осы Торунь. Мұнда ХІІІ-ХІV ғасырларда ондаған жылдар бойы салынған шіркеулер өте көп. Әулие Мария, әулие Иаковтың шіркеуі және тағы басқа костелдердің басым бөлігі кәнігі қызыл кірпіштен қаланған. Қалада костелдің көптігі сондай, олардың қоңырауынан құлақ тұнады. Тұрғындардың көпшілігі католик дінін ұстанады. Көшелердегі ғимараттардың біразы қайта өрлеу дәуіріне тиесілі, енді бірі готика, неоготика стилінде салынған.
Айтпақшы, бұл ақпараттың барлығы маған қайдан келді? More